Red Bull X Alps er ein konkurranse som dreier seg om å krysse ei
rute gjennom alpane kun ved bruk av løpskraft og paraglider. Årets
løp startar i Salzburg i Austerrike og sluttar, som alltid, i
Monaco. På vegen skal deltakarane innom åtte vendepunkter som er
lagt strategisk gjennom fjella. Mellom anna skal deltakarane innom
Austerrike, Sveits, Frankrike og Italia på vegen. Totalt 864
km!
Konkurransereglane kan forenklast til at fyrste mann i mål vinn.
Han kan velge å gå, springe, eller fly det han orkar dag og natt.
Han må sjølv bære med seg paraglidaren, men kan få hjelp med
forsyningar som mat,klede og telt. Kun ein person har lov å hjelpe
med å få desse forsyningane fram. Nikolas van Etten skal stå for
denne bistanden til Ivar, og såleis vil HPGK være representert med
to personar i neste års Red Bull X-Alps.
Det var sterk konkurranse om å få ein plass i løpet, og det
ryktast at over 400 deltakarar hadde søkt om plass. Alle deltakarar
vert nøye vurdert, og det er strenge krav til fysisk og mental
helse. Ivar sine meritter som maratonløpar, og triatlon deltakar
hadde truleg mykje å seie for at han vart utvalgt. I tillegg til
dette var Ivar i Sveits i sommar for å fremme sin eigen søknad,
noko som tydelegvis har gått bra. Ivar er med dette fyrste nordmann
som deltek i X-Alps!
X-Alps 2011 byrjar 17 Juli, og varer til 48t etter at fyrstemann
er i mål. Ein kan lese meir om konkurransen her.
HPGK ynskjer Ivar og Nikolas lukke til med forberedelsane, og vil
kome med meir nyhende kring Ivars deltaking etter kvart som
konkurransen nærmar seg og pågår.