Siste nytt
-
Aggressiv mann med saks i Bergen
I Bergen sentrum har politiet kontroll på ein person som stod fram som aggressiv og hadde med seg ei saks. Det er ikkje meldt om at nokon er skadd.
-
Trafikken går som normalt over Stordabrua
Begge bilane som var involvert i trafikkulukka i 17-tida er no fjerna frå E39 over Stordabrua, og trafikken går som vanleg. Fire personar var invovlert i uhellet, der ein bil køyrde på ein annan bil foran seg på vegen. Ein person er sjekka av helsepersonell på staden. Politiet oppretter sak.
-
Motorsyklist velta
Politiet har fått melding om ein motorsyklist som har velta i Nordfjord. Føraren er flydd Førde Sjukehus med luftambualanse og skadeomfanget er ukjent. Politiet er på veg til ulykkestaden for å gjere undersøkingar.
-
Sjå Vestlandsrevyen klokka 19.30
I dag kom søkartala: Bergen dankar ut Trondheim og blir Noregs nest mest populære studentby.
Programleiar er Mariann Reikerås.
-
Først blei han kidnappa. Så sikta politiet han
Fem menn er sikta for å ha kidnappa og rana ein mann frå Litauen 19. mars i Bergen. Neste natt fann politiet mannen uskadd i ein bil på Trengereid. Dei fengsla dei fem mennene, ein er norsk og fire er frå Litauen, skriv BT.
Deretter oppdaga dei at kidnappingsofferet var utvist frå Noreg for nokre år sidan. Dei stansa han i ein bil på Voss natt til 21. mars. Med seg hadde han over 2,2 millionar kroner i pengesetlar, på veg til heimlandet.
Han er no sikta for grovt heleri, og sit fengsla. Det gjer også dei fire andre landsmennene hans, då retten meiner dei kan rømme landet før rettssaka truleg kjem opp til hausten, skriv avisa.
